ابي اتعرف عليك

السلام عليكم

صباح / مساء الخير ..

قبل كم يوم .. قابلت وحده بالجامعه .. متزوجه ماكملت سنه ..جلسنا نسولف
و سألتها عن خطبتها .. وهل يقرب لها زوجها
المهم .. قالت انه يقرب لها .. وانه عايش ببلد وهي ببلد ولا عمرها شافته .. ولا شافها ..
حتى ماعمرها شافت اهله .. ولا شافوها .. وان حتى الخطبة .. كانت بالبداية عن طريق التلفون ..
وماشافت احد .. غير يوم الملكة !!


انا ما اخفي عنكم .. انه موضوع الزواج عندنا وتقاليده تقهررررررررني ..
الحين .. اخذ واحد ما اعرف وش شخصيته .. وش يحب .. وش يكره .. ما اعرف مستواه العقلي ..
هل هو يستاهل اني اعيش باقي عمري معاه ..
كثييييييييييييييييييييير اعرفهم .. تطلقو عشان السبب هذا ..
وحده اعرفها .. من قريباتي .. تزوجت .. من اول يوم .. كان ودها ترجع بيت اهلها ..
لكن .. وش يقولون الناس لو رجعت ..؟؟!!
كملت معاه .. وكانت تبي تموت من القهر .. لأن الرجال .. عقليته ضعيفه ..
ويبط الكبد على قولتهم .. وفوق هذا .. فقير .. وكانت تاخذ من اهلها عشان تعيش هي وعيالها ..
بعد فترة .. صار عندها 6 اطفال .. ثلاث عيال وثلاث بنات
و سارت بينهم مشاكل .. والحياة اصبحت مستحيلة ,, ونهاية الموضوع .. تطلقو ..

انا ما اقول تتعرف على شباب وتختار منهم .. لا
انا اقول ..
لو مثلا .. جا واحد وخطبني .. اتمنى بصراحه لو اقدر اتعرف عليه ..
واكلمه .. قبل لا يصير اي شئ بيننا ..
تقولون لي بعد الملكه .. اقول لكم لا .. إذا وصل الموضوع للملكه خلاص .. تعتبر زوجته
والفاس وقع بالراس على قولتهم ..
لكن سألتكم بالله .. فيها شئ .. لو اتعرف على خطيبي ؟؟
واكلمه .. واهلي واهله يدرون .. ؟؟
بالأخير .. هذي حياتي .. هذا راح يكون شريك حياتي ..
ارمي نفسي .. بإيد اي واحد ؟؟؟؟؟؟؟؟؟؟؟؟؟؟؟؟؟
ما ادري هل هو كفو .. اصلا ياخذني ولا لا ..
احس .. حرام بصراحه .. اضيع تربية اهلي .. وعلمي .. وثقافتي ..
على واحد .. ممكن يكون مابيني وبينه .. اي توافق ..
على واحد .. ممكن يكون فيه عيوب ما استحملها ..
انا ما راح اعرف عنه لو ما اتعرفت عليه ..

سؤالي ..
للشباب اكثر شئ .. وش رايكم بكلامي .. وهل توافق لو رحت خطبت .. وقال لك ابو البنت
البنت .. تبي تتعرف عليك .. قبل ماترتبطون .. وتبي تعرف شخصيتك .. وتعرف شخصيتها
عشان تعيشون حياة سعيده .. ولا انكم .. ترتبطون وتعيشون حياتكم بتعاسة .. وبالأخير .. ماتتحملون
وتنفصلون ..

اتمنى وصلت موضوعي وتفكيري لكم .. واتمنى محد يفهمني غلط ..
تحياتي ..lovely & funny

منــــقـــــول....